Gintambungan sang nagkalain-lain nga sektor ang ginpatigayon nga economic briefing sa Iloilo City.
Ini ang ginpangunahan sang Bangko Sentral ng Pilipinas, Department of Finance, kag Board of Investment.
Gin-imibitar ang nagkalain-lain nga resource persons agud maistoryahan ang sitwasyon sa Iloilo kag amo man ang mga plano sa palaabuton.
Naistoryahan man ang mga posible rason sang mga negosyante sa ila pagpang-alang-alang sa pag invest sa lugar.
May mga government interventions naman nga napahayag agud maimbitar ang madamo nga investors. Isa amo nga i identify ang rason sang mataas nga inflation sa Iloilo.
Isa sa long term solutions nga nakita agud masolusyunan ang kamahal sang fuel nga amo ang pinakadako nga rason sang inflation, amo ang paggamit sang reusable energy.
Nangin rason man ang madamo nga pag imports sang mga salakyan, gani nga gina-promote subong ang paghatag tyansa sang production sang salakyan sa Pilipinas nga indi lang makapahagan-hagan sang inflation kundi makahatag pa sang trabaho sa mga tawo.
Ginhatagan man sang highlight nga ang Visayas ang may yara na sang maayo nga lugar para sa negosyo gani kinahanglan nalang sang padayon nga pagpasanyog sang physical and digital infrastructures.#
(By: Bombo Ireca Faye Pioquinto)
