Wala napunggan sang 34-anyos nga Filipina actress nga si Kim Chiu nga maghibi samtang gina-deliver ang iya acceptance speech sa 2024 Seoul International Drama Awards.
Ang pagbaton sini sang pagkilala bilang “Outstanding Asian Star” ang kasunod sa iya papel bilang si “Juliana Lualhati” sa drama series nga “Linlang”.
Ginpahayag sini nga indi lamang network kundi bilog nga Pilipinas ang iya gintiglawas sa amo nga event.
“I am truly overwhelmed to be standing here tonight with pride and honor,” pahayag sini. “I want to express my gratitude to these incredible people who made this moment possible.”
Naghibi ini sang namensyonar na ang isa sa iya mga boss nga si Deo Endrinal nga nagtaliwan na nga amo suno sa iya ang nangin mentor niya kag nag-giya sa iya para malab-ot ang iya ginatindugan subong.
“I want to dedicate this honor to the person who is no longer with us, my boss, my mentor, and a dear friend sir Deo,” pahayag sang Kapamilya actress. “He was the one who always pushed me to be my best and he was the one who always guided me to do the best that I can be through hard work led with kindness.”
Pila sa Korean celebrities nga nakilala ni Kim sa event amo ang ‘Mask Girl’ lead cast kag Seoul Drama Awards K-Drama Best Actor kag Best Actress Ahn Jae-hong kag Yeom Hye-Ran.
Naka-bond man sini ang co-Outstanding Asian Star awardees nga sanday Kim Hye-yoon sang South Korea, Desmond Tan sang Singapore, Win Metawin sang Thailand kag Siti Saleha sang Malaysia.#
