Ginalantaw ni Finance Secretary Ralph Recto nga posible magpanaog pa sa 2.5 percent ang headline inflation sang Pilipinas sa Septyembre.
Tubtub sa 2.9 ang range sang forecast sang tiglikom para sa amo nga bulan.
”For September, ang expectation natin is roughly 2.5 (%), it’s a range between 2.1 [and] 2.9, the midpoint is roughly 2.5,” pahayag sini sa press briefing sa Malacañang.
Ang potensyal nga pagnubo ang ginaangot sa pagbuhin sang taripa sa bugas nga amo suno sa iya ang magapanubo sa presyo sang amo nga produkto.
Apang ang gyera sa Middle East kag pangkalibutanon nga presyo sang produktong petrolyo ang nagapabilin gihapon nga pagpahangkat sa paglab-ot sa mas manubo pa nga inflation rate.
Sa pihak nga bahin, ang pagsaka sa balayran sa kuryente ang nagaamot man sa pressure sa inflation, apang suno kay Recto, ang desisyon ni President Ferdinand Marcos Jr. nga pahat-pahaton ang pagsaka sang power rate sa 36 ka bulan ang makabulig nga makapahagan-hagan sang epekto sini.
Sa Oktubre naman, ginalantaw nga magasaka liwat ang inflation apang limitado lang suno sa iya sa 3.1 to 3.9 percent ukon sulod gihapon sa target range sang Bangko Sentral ng Pilipinas (BSP)nga 2-4%.
