Ginpasangkad pa sang Israel ang ground operation sini sa southern Lebanon samtang ginapabaskog pa gid sini ang away batok sa Hezbollah.
Nagpaulan man sang rockets ang Israel sa Beirut kag ginsiling nga napatay nila ang successor sang assassinated leader sang Hezbollah.
Samtang, sa bahin naman sang mga lugar sa Israel, padayon man ini nga ginapaulanan sang rocket sang Lebanon, kag gina-claim sang Hezbollah nga ila ang amo nga strikes.
Ginsiling sang Israeli military nga masobra 100 rockets ang ginpaulan sa Israel sa sulod lang sang isa ka oras kahapon kun sa diin naigo ang northern city sang Haifa kag Galilee.
Kapin sa 250,000 naman ka mga tawo ang nagtabok sa border sang Lebanon kag Syria humalin sang gin-atake sang Israel ang Hezbollah, santo sa United Nations.
Apang suno sa Lebanese officials, possible nga doble pa ang numero kag yara na sa 400,000 ang nagtabok sa border.
Pahayag pa sang Disaster Risk Management Unit sang Lebanon, masobra sa 75% sang nagatabok sa border ang Syrian nationals nga kaangay nga nagabalik sa lugar nga ila man ginbayaan bangud sa padayon man nga civil war didto.
