Nagpangayo sang pasensya ang singer nga si Julie Anne San Jose matapos gin-ulan sang pagpakamalaot ang iya performance nga “Dancing Queen” samtang yara sa isa ka event sa simbahan.
Ginsiling ni Julie Anne nga isa ini ka leksyon sa iya kag pat-od gid nga indi na niya pagsuliton.
“I am offering my apologies. Even though my only intentions were to share joy and to give support to the church through the benefit concert, many have felt offended about the incident I was in and with my performance, which caused distress. I truly, sincerely apologize. This is a lesson learned and it is assured that it will not be repeated,” pag-sorry sini nga pareho napaguwa sa Facebook kag Instagram stories.
Gindugang sini nga indi siya perpekto, kag nagapangamuyo man nga maka-“move forward” na ang tanan kasunod sini nga isyu.
“I am not perfect but please know that I have strong beliefs and my faith is unbreakable and cannot be shaken. I pray that we can all move forward with compassion in our hearts. Thank you,” dugang sang singer-actress nga amo man subong ang coach sa “The Voice Kids Philippines”.
Oktubre 6 sang nag-perform si Julie Anne sa atubang sang altar sang simbahan para sa benefit concert nga ginpatigayon sa Nuestra Señora Del Pilar Parish sa Mamburao, Occidental Mindoro.
Ang iya talent management agency nga Sparkle ang nauna naman sa pagpaguwa sang apology statement kaangot sa insidente.
“Sparkle GMA Artist Center takes full responsibility for Julie Anne’s attendance at this event. It is our job to coordinate and clear details with the organizers and relay the instructions to our artist,” dugang sini. Ginklaro man sang Sparkle nga wala ginabastos ni Julie Anne ang Catholic Church bangud isa man siya ka devout Catholic.
Mangin ang Apostolic Vicariate of San Jose sa Mindoro kag ang Parish Priest nga si Rev. Fr. Carlito M. Dimaano ang nagpaguwa man sang mensahe sang pag-sorry paagi sa Facebook.
“Inaamin ko pong may mga mali kaming desisyon ukol dito. Inaako ko po ang lahat ng mga pagkakamaling ito,” suno kay Fr. Dimaano. “Tinatanggap ko pong ito ay nakasakit sa damdamin ng mga mananampalataya. Humihingi po ako ng tawad.”
