𝗜𝗟𝗢𝗜𝗟𝗢 – Nagdangat sa 244 ka mga manugtanom sang mais gikan sa banwa sang Barotac Viejo, Lemery, San Rafael, San Dionisio kag Sara, Iloilo ang nakatapos sang 16 ka semana nga Farmers Field School sa corn production.
Suno kay Director Mary Ann Ramos sang Agricultural Training Institute -Regional Training Center 6, ang mga Agricultural extension workers nga nagpaidalom sa paghanas sa Training of Trainers for corn production sang Center halin sa nasambit nga mga banwa ang ginamanduan nga ipakigbahin ang ila natun-an sa mga corn farmers.
Lakip sa mga naistoryahan sa Farmers Field School amo ang site selection and preparation, variety selection and cultural management, fertilization, pest and diseases management, weeds management, irrigation, post harvest and drying practices, kag marketing.
Gintambungan naman ang culmination program nanday Barotac Viejo Mayor Nielo Tupas, provincial agriculturist Dr. Ildefonso Toledo, regional focal person of corn program Renan Palomo kag mga myembro sang Barotac Viejo Council kag municipal agriculturist gikan sa lima ka mga banwa.
