Ginpakigbahin sang aktres kag talk show host nga si Kris Aquino ang detalye sang iya autoimmune diseases amo man ang kakulba nga basi makaangkon siya sang cancer kaangay sa iya iloy nga si anay president Corazon Aquino.
Nagsugod ang kulba ni Kris matapos ang PET (positron emission tomography) scan nga amo ang ginagamit agud maka-detect sang cancer.
Nagdugang pa ang cancer scare sini bangud colon cancer man ang ginkamatay mangin sang iya Lola.
“After my PET scan I was knocked out… I could sense something was wrong because my team of doctors didn’t do their normal rounds,” pahayag sini. “The next day, my gastroenterologist had no choice but to tell me because I need to start my purse for my endoscopy and colonoscopy. The abdominal area, specifically my colon area lit up… I’m normally very BRAVE. But I broke down after my doctor left… My mom’s oncologist had to come in, and it felt surreal.”
Ginbalikan sini kun ano kabudlay sugiran ang iya 17-anyos nga bata nga si Bimby kag naglahog pa ang iya bata nga indi pa ready ang iya “Tito Noy” ukon si the late President Noynoy Aquino nga makita si Kris.
“Ang hirap to see my 17-year-old doing his best to stay strong. He said, ‘Mama until they do the biopsy let’s trust God that you’re cancer-free. Lola will make sure you’ll get through this and if ever, mama it’s early detection.’ He even jokes: ‘I don’t think Tito Noy is excited to have a reunion with you this soon because he’s enjoying the peace and quiet in heaven. You do know how you can talk nonstop?'” suno kay Kris.
Ginsugid man sang aktres nga nahaw-asan siya sa bangud makaligad ang pila ka adlaw, ginklaro sang doctor nga cancer-free siya kag klaro man ang iya intestines.
“Late afternoon when I was wide awake, Dr. Jonnel was smiling, he said—you are cancer free. Clear intestines. No visible sign of cancer,” sugid sini.
Sunod ini nga nagpasalamat sa mga nagapangamuyo para sa iya ikaayong lawas.
“Thank you. I know you’ve been praying but I didn’t reveal what else specifically you were praying for. But God is listening even when we’re not specific because He sees what’s in our hearts,” suno sa iya.
Apang pahayag sini, indi siya 100% healthy bangud anum pa ang iya autoimmune conditions kag tatlo diri ang makabig nga nagabutang gid sang iya kabuhi sa delikado.
Apisar sini, determinado ang aktres nga makalampuwas, kag sa pagkamatuod, may show pa ini nga maga-guwa antes magtakop ang 2024.
“I promised myself bawal sumuko. I need a goal, something for all of us to look forward to. Tuloy ang laban. Para hindi kayo magsawang magdasal. Sabi n’yo, you miss watching me,” dugang niya.
Naghingyo man ini sa fans nga hatagan siya anay sang privacy sa iya romantic relationship, apang ginsiling sini nga kun kaslon gid man siya sa iya karelasyon, imbitaron man niya ang tanan.
Nahibaluan nga nagpauli si Kris sang nagligad nga bulan diri sa Pilipinas para sa chemo sessions matapos ang tinuig nga pagtinir sa Estados Unidos sang Amerika agud madapatan sang treatment.#
