Ginalantaw sang pinuno sang komitiba sang Kamara nga naga-imbestigar sa gina-alegar mishandling sang public funds sa Office of the Vice President (OVP) kag sa Department of Education (DepEd) nga may duha ka posisble grounds— ini ang graft and corruption kag betrayal of public trust—— sa pag-impeach kay Vice President Sara Duterte.
Suno kay Manila Rep. Joel Chua, chair sang House committee on good government and public accountability, iya ginpahayag nga ang panel nag-abot sa sini nga mga punto base sa mga dokumento kag testimonya nga ginpresentar.
Ginpaathag man ni Chua nga ang imbestigasyon ang ginhimo sa pagbulig sa legislation, indi agud sa katuyuan nga i-impeach si Duterte.
Ginsambit man ni Chua ang “shocking” ang mga natukiban nga ang OVP naggasto sang P125 million sa confidential funds sa sulod lamang sang 11 ka adlaw sang Disyembre 2022, subong man ang ginaalegar nga paggasto sang DepEd sang P15 million sa confidential funds para sa mga programa sang mga pamatan-on.
Gintumod man sini ang P16 millions nga gingasto sang OVP sa overpriced nga “safe houses.”
Ginhatagan man sang natungdan sang pagtamod nga nagpagwa sang notice of disallowance ang Commission on Audit (COA) para sa P73.28 million sa P125 million nga confidential funds bangud sa ila indi nagakaigo nga paggamit kag ginmanduan sang COA si Duterte kag iban pa nga mga opisyal sang OVP nga husayon ang disallowed amount.
Dugang pa ni Chua, kabaliskaran sa ginasiling sang DepEd nga P15 million ang nagasto para sa mga youth training summits sang 2023 paagi sa Philippine Army, ginklaro sang mga opisyal sang militar kag mga tiglawas sang lokal nga panguluhan nga wala sang pondo para sa programa nga ginkuha gikan sa DepEd.
