Gin-record sang 22-anyos nga aktres nga si Belle Mariano ang kanta nga “Anong Daratnan” nga amo ang special end credit song para sa Philippine release sang animated movie nga ‘Moana 2.’
Ginkumpirma ini sang Disney Studios Philippines kadungan sang pag-upload sang video kun sa diin nakit-an si Belle nga naga-promote sa kanta nga natalana nga i-release sa masunod nga semana.
“Hi everyone, Belle here! And I can’t wait for you guys to hear ‘Anong Daratnan,’ a special end credit song for the Philippine movie release of Disney’s ‘Moana 2.’ Abangan niyo ang music video and single dropping next week. Disney’s ‘Moana 2’ arrives in cinemas November 27. Book your tickets now,” kabahin sang statement ni Belle.
Ang “Anong Daratnan” amo ang Tagalog version sang “Beyond” halin sa second “Moana” film sang Disney.
Natalana nga ipaguwa ang “Moana 2” sa Philippine cinemas sa Nobyembre 27.
Magluwas sa sini nga project, balantayan man si Belle kag iya screen partner nga si Donny Pangilinan sa new original Viu series nga “How To Spot A Red Flag” nga magasugod sa streaming sa November 25.
