Ginalantaw sang Pilipinas ang posible nga pagbutang sa standby mode sang mga American troops sa iban nga mga lugar sa West Philippine Sea kasunod sang pagtukod sang isa ka task force nga gindedikar sa Ayungin Shoal.
Suno kay US Defense Secretary Lloyd J. Austin III gintukod ang US Task Force Ayungin bilang kabahin sang suporta sang Washington para sa mga pwersa sang Pilipinas sa mga maritime zone sang pungsod.
Suno naman kay National Security Adviser Eduardo Año, ang mga tropa sang Amerika,ang indi direkta nga magpartisipar sa pagpatigayon sang aktwal nga mga misyon sa West Philippine Sea.
Si Department of National Defense Ambassador Jose Manuel “Babe” Romualdez nagsiling man nga ang pagtukod sang task force ang kabahin sang Visiting Forces Agreement (VFA) kag Mutual Defense Treaty (MDT) sa tunga sang Pilipinas kag US.
Ang US Defence Press Operations nagsiling nga ang presensya sang Task Force Ayungin amo ang pagpadayon sang pila ka dekada nga pag-updanay sa tunga sang Pilipinas kag US “sa pagsuporta sa gin-ambit nga mga interes sa seguridad.”
Nahamtang sa 105 nautical miles west sang Palawan, ang Ayungin Shoal ang yara sa sulod sang 200-mile exclusive economic zone (EEZ) sang Pilipinas apang gina-angkon sang China bilang kabahin sang ila teritoryo.
