Nagpatigayon sang konsyerto ang Malacañang bilang pagkilala sa mga katapo sang local film industry.
Natabo ini antes ang Metro Manila Film Festival (MMFF) nga amo ang kapiyestahan nga nagatipon sang locally-produced movies para sa Christmas season.
Lakip sa nagpadulong sa Palasyo para sa “Konsyerto sa Palasyo para sa Pelikulang Pilipino” amo ang mga artista, film producers, kag production personnel.
Yara sanday Vice Ganda, Tirso Cruz III, Sharon Cuneta, Christopher de Leon, Helen Gamboa, Maricel Soriano kag mas bataon nga mga artista kaangay kanday Arjo Atayde, Francine Diaz, Seth Fedelin, Enrique Gil, Sid Lucero, Sue Ramirez, kag Christine Reyes.
Nangin highlight sang event ang special number sang singer-actress nga si Zsa Zsa Padilla.
“Mahalaga talaga na bigyan natin ng honor and importance yung ating film industry dahil nagbibigay ito ng kabuhayan sa ating mga kababayang Pilipino,” suno kay Tourism Secretary Maria Christina Frasco.
“This gives opportunities for our fellow Filipinos and the rest of the world to discover our country and the talent of the Filipino people,” dugang sang tiglikom.
Nahibaluan nga ang movie industry ang kabahin sang “creative economy” sa Pilipinas nga nakatipon sang P1.60-trillion sang 2022 base sa data sang Philippine Statistics Authority (PSA). Ini nga kantidad ang katumbas sang 7.3% sang Gross Domestic Product (GDP) sang Pilipinas.
Kagab-i, yara man sa event si President Ferdinand Marcos, Jr. kag iban nga prominente nga personalidad kaangay kanday Senate President Chiz Escudero, House Speaker Martin Romualdez, kag Chief Justice Alexander Gesmundo.
Antes ang concert para sa local movie industry, nagpatigayon man ang Marcos Jr. administration sang kaangay sini nga events nga nagkilala man anay sa mga soldado, mga manunudlo, mga atleta, kag health workers.
(Photo: The Idea First Company/FB)
