Ginsapubliko sang actor-politician nga si Senator Bong Revilla nga may yara siya sang iban pa gid nga kabataan magluwas sa ila mga anak ni Lani Mercado.
Gin-ako ini ni Revilla kadungan sang media conference sang iya pelikula nga “Walang Matigas na Pulis sa Matigas na Misis” Season 3.
Suno sa senador, nakahibalo ang iya asawa kag ila anum ka kabataan nga may yara siya sang “love children.”
Gindugang sini nga mga babaye ang iya ginatumod nga illegitimate children apang wala na siya sang gindugang nga detalye kag kun sin-o ang ila iloy.
“Alam ni Lani kung ano ‘yung totoo. Mayroon, mayroon,” pahayag sini. “Makikilala n’yo rin kung sino siya, kung sino sila.”
Dugang niya, wala siya sang plano nga taguon ang iya kabataan bangud indi ini patas para sa ila.
“Hindi mo pupuwede itago ‘yon. Unfair ‘yon para sa mga bata. Kapag anak mo, anak mo ‘yon. Dugo mo ‘yon, mahalin mo ‘yon at hindi ko ikinahihiya ‘yong ganon,” pahayag pa ni Revilla.
Si Revilla kag si Lani — nga isa man ka actress kag subong kongresista sa Bacoor City — ang nagpakasal sang 1986. May yara sila sang anum ka mga bata nga sanday Bryan, Jolo, Inah, Alexandra, Gianna, Franzel kag Ramboy.
Antes nagminyo, may affair man si Revilla kay Lovely Guzman nga isa ka non-showbiz personality kag may isa ila ka anak nga si Luigi.
Sa pihak nga bahin, kaupod ni Revilla sa iya bag-o nga pelikula si Beauty Gonzalez nga mahimo na malantaw umpisa sa Disyembre 22.
Ang “Walang Matigas na Pulis sa Matinik na Misis” amo ang remake sang 1994 action-comedy film nga may amo man nga titulo. Si Bong gihapon ang magadala sang papel ni Bartolome “Bart/Tolome” Reynaldo samtang si Beauty ang maga-akto bilang si Gloria nga orihinal anay nga gindala ni Lani.#
