Nagpanguna ang young actress nga si Andrea Brillantes sa lista sang 100 most beautiful faces of 2024 base sa resulta sang global beauty poll.
Ini ang ikaduha nga tuig nga sulod si Blythe sa amo nga lista sang TC Candler. Sang nagligad nga tuig, nagapang-16 siya sa ranking.
Subong nga 2024, naunahan na sini pati sanday Jisoo kag Rose sang Blackpink, American actress nga si Sydney Sweeney, Korean-American K-pop idol nga si Nancy McDonie, kag Portuguese actress nga si Alba Baptista nga asawa ni Chris Evans.
Magluwas kay Andrea, may pito ka iban pa nga mga Pinay nga sulod sa listahan.
Nagapang-28 si Janine Gutierrez sa iya ikaapat nga tuig sa listahan.
Ang 2017 number 1 kag Hall of Famer nga si Liza Soberano ang nagapang-31 na subong. Ini na ang ika-10 nga sunod-sunod nga tuig nga ginkilala si Liza sa amo nga global poll.
Nagapang-52 naman si Belle Mariano kag nagapang-69 si Ivana Alawi.
Yara man sa 82nd spot si Gehlee nga isa sa Philippine-born members sang K-pop group nga UNIS, samtang ang BINI member nga si Aiah ang nagapang-88 sa ranking.
Nahibaluan nga gina-publish sang TC Candler ang 100 Most Beautiful Faces list halin sang 1990. Ang naga-judge diri amo ang ginabanta 20 ka mga tawo halin sa lain-lain nga parte sang kalibutan. Masobra 40 countries ang regular nga gina-presentar sa sini nga tuigan nga lista.
