Ginsabat na ni John Estrada ang mga espekulasyon nga na-link siya sa young actress nga si Barbie Imperial.
Sang damlag lamang nagguwa ang mga istorya nga nangin close ang duha samtang pareho nga nagabida sa primetime series nga FPJ’s Batang Quiapo. Kadungan man ini sang mga pahayag nga medyo naglas-ayanay na si Barbie kag ang rumored boyfriend sini nga si Richard Gutierrez.
Sabat naman ni John, indi sila personal nga magkilalahay ni Barbie kag gintawag man sini nga fake news ang online posts nga naga-angot sa ila.
“Unang Una Hindi ko alam kung Sino o Saan nag simula ang Kalokohan na to, na naglilink sa amin ni barbie imperial,” suno sa actor.
Nagpahayag man sini nga isa ka bes lang sila nagkitaay para sa Christmas Special apang indi siya sigurado kun 2021 ukon 2022. Pahayag pa sini, bisan nga isa lang sila ka show, wala man sila nagakitaay bangud lain ang ila grupo, unit, kag director buot silingon, indi sila dungan sa mga eksena nga gina-shoot.
Nagpangabay man si John sa online entertainment websites nga mag-research man kag indi mag-basta-basta share sa publiko sang mga bagay nga 0.1% lamang ang kamatuoran.
“At sa mga online newspaper, o tabloid or tsismis sites, e bago nyo cguro ilabas ang isang bagay e mag research naman kayo kung merong kahit na 0.1 percent na katotohanan, yun lang po at maraming salamat (praying at heart emojis),” dugang sini.
Indi ini ang una nga bes nga na-link si John sa lain nga babaye apisar pa sang kasado sila sang Brazilian beauty queen nga si Priscilla Meirelles.
