Balik-Pilipinas na ang Pinoy singer nga si Sofronio Vasquez kasunod sang maragtason nga pagdaog sa “The Voice USA” nga amo ang nagamarka sang una nga male Asian kag una nga Filipino winner sa 26 seasons sang amo nga American show.
Sa iya post nga nagapakita sang iya pag-abot sa airport, madamo nga fans ang nagkomento agud abi-abihon ang iya pagpauli.
Sa Enero 18 natalana ang una nga solo concert ni Vasquez.
Hiwaton ini sa Cebu kun sa diin may yara man sang meet-and-greet session para sa VIP ticket holders kag kadungan man sa Sinulog Festival.
Magluwas sa upcoming local concert, may teaser man si Vasquez sa promising future sang iya musika. Diri kag ginpasalamatan sini ang iya The Voice coach nga si Michael Bublé.
“Of course, with Michael Bublé’s idea, he knows who are the perfect people to be connected to and to be talking to. I’m going to trust in them, but, of course, I have a really good vision about my music, so I’m so excited to be working on that,” kabahin sang pahayag sini.
Antes nag-base sa New York, pila ka beses man nga nagpasakop sa local singing competitions si Vasquez nga ginapatihan man sini nga nangin lyabe man sa iya mga kadalag-an kaangay sang pagdaog sa Estados Unidos.
