Indi na madayon sa Oktubre 4 ang labing-una kuntani nga solo concert sang OPM singer nga si Moira dela Torre.
Sandig sa local promoter nga Ovation Productions, ginsaylo sa 2027 ang “MOIRA: Where It All Started” concert.
Natalana pa nga i-anunsyo ang eksakto nga petsa kag ang iban nga updates, apang may ginhatag nga abiso kun paano magpa-refund sang tickets.
“We sincerely apologize for any inconvenience this may cause,” suno sa promoter. “Thank you for your patience and understanding. We hope to see you next year!”
Matandaan nga antes sini, gin-address ni Moira sa press conference ang naglas-ay sini nga relasyon sa pila ka mga abyan sa showbiz matapos nga gin-unfollow siya sa Instagram. Nagpanginwala ang singer nga may ginhimo siya ukon nag-istorya sa likod sang iya showbiz friends.
Ginpanginwala man sini ang madugay na nga rumors nga involved siya sa breakup anay nanday Sam Milby kag Catriona Gray.
Ang first solo show sang singer-songwriter ang kasunod sa Where It All Started nga amo ang opening track sang iya nga latest release nga I’m Okay (Deluxe) nga amo naman ang expanded edition sang iya 2024 album.
Ini nga deluxe album naga-feature sang acoustic versions sang select tracks kag collaborations sa Ben&Ben, Parokya ni Edgar, Johnoy Danao, AJ Rafael, kag Adie.
