Excited si Grammy-winning singer John Legend nga magabalik sa Pilipinas para sa iya intimate concert kun sa diin mangin ikaapat na sini nga tion sa pagbalik sa pungsod.
Magapatigayon si Legend sang “An Evening of Songs and Stories” sa The Proscenium Theater sa Rockwell, Makati City Metro Manila sa September 3 tubtob 4.
Isa man sa ginalauman sa amo nga concert amo ang iya nga pag-sing-along kaupod ang iya mga Filipino fans.
Dako naman ang iya pagpasalamat sa iya mga tagasuporta sa Pilipinas bangud nangin kabahin ang iya mga kanta sa mga espesyal nga okasyon kag selebrasyon sang mga ini.
Para kay Legend, isa sa mga rason sa iya nga pagbalik sa Manila amo nga agud makaangkon sang mas personal nga koneksyon sa iya nga mga tagasuporta diri.
