Nagkampyon ang Filipino gymnast nga si Carlos Edriel “Caloy” Yulo sa men’s vault sa Artistic Gymnastics sa 2026 Asian Games sa Aichi-Nagoya, Japan.
Naka-score ang double Olympic gold medalist sang 14.599 agud pangunahan ang apparatus matapos naka-score sang 14.733 sa first vault kag 14.466 sa ikaduha nga vault.
Ini ang ikaduha nga sunod-sunod nga gold medal ni Yulo kag ikaduha man nga bulawan nga medalya sang Pilipinas sa subong nga edisyon sang Asiad.
Kahapon, nagpangibabaw man si Yulo sa floor exercise.
Sa qualification round, matandaan nga natumba pa si Yulo sa iya una nga vault rason nga naka-score lang sang 13.166 antes siya nakabawi sa Vault 2 kun sa diin naka-rehistro siya sang 14.133 para sa average nga 13.649.
Magabalik pa si Yulo sini nga hapon para sa finals sang parallel bars, samtang maga-compete naman ang iya manghod nga si Eldrew sa finals sang horizontal bars.
