Ginakalangkagan na ang pagguwa sang Ilonggo feature film nga nagasentro sa Jaro, Iloilo City partikular sa debosyon kay Nuestra Señora de la Candelaria ukon Our Lady of Candles nga amo ang ginakilala nga patroness sang Western Visayas.
Ang pelikula nga ‘Cande’ nga malantaw na sa Pebrero 2025 ang ginapangunahan sang aktor nga si JC Santos nga amo ang ginkilala nga 2023 Best Supporting Actor sa Metro Manila Film Festival (MMFF).
Sa interview sang Bombo Radyo sa FAMAS-winning director kag writer nga si Kevin Pison Piamonte, iya ginpahayag nga ginhimo ang filming sang proyekto sa mismo kapistahan sang Jaro sang nagligad nga tuig nga ginduaw sang madamo nga deboto.
Magluwas sa debosyon kay Candelaria, ipabugal man sang pelikula ang kultura sang Iloilo City lakip na ang mga kinasadya, mga pagkaon, kag ang pagpangabuhi sang mga pumuluyo.
“The Ilonggo culture is always a rich culture. Ang dami, from food… nakita niyo naman sa pelikula, yung fiesta. Nakaka-miss nga ‘yung perya eh, di ba? This is something that we should imbibe and we should stand proud… you know, being Ilonggos, and share it to rest of the world,” suno kay Piamonte.
Sa exclusive red carpet premiere screening sang pelikula kagab-i, Enero 15, ginpakigbahin naman ni JC nga ini ang una nga bes nga naghibi siya samtang nga ginalantaw ang iya kaugalingon sa screen.
“I have never cried watching myself. Ito lang. This is the first time na nakita ko na naawa ako sa sarili ko and it’s because of the writing of this movie. It’s really, really good. Kung saan kami dinala ng pelikulang yun, para akong kandilang nauubos. Tulo lang nang tulo ang luha ko. It’s beautiful, it’s well-written, and I am really proud of this film,” suno sa award-winning actor.
Kaangot ini sa special shoutout sang direktor kay National Artist for Film and Broadcast Arts Rickey Lee nga amo ang nagtudlo sa iya sa pagsulat kag kay National Artist for Theater Tony Mabesa nga amo naman ang mentor nanday JC kag Piamonte sa teatro sa University of the Philippines (UP).
“This coming February 2025, ipapalabas na kami sa cinemas. Lalo na dito sa Iloilo, so I might see you in the cinemas,” kabahin sang pagpang-imbitar sang actor.#
