Sulod sa prestihiyoso nga Berlin International Film Festival ang Filipino film nga ‘Sunshine’ kun sa diin bida si Maris Racal.
Suno kay Director Antoinette Jadaone, napilian ang pelikula sa idalom sang Generation 14plus category sa 75th edition sang amo nga festival.
Ang Generation 14plus isa ka program sa Berlinale nga naga-feature sang mga istorya sang kabataan kag teenagers. Natuon diri ang Sunshine bangud istorya ini sang bataon nga gymnast nga nakahibalo nga nagabusong siya sa semana mismo nga nag-umpisa na ang national team tryouts.
Wala pa ginpaguwa kun san-o ang screening dates.
Sang damlag lang, nangin kabahin man ini nga film sa Palm Springs International Film Festival sa idalom sang World Cinema Now section.
Sang Oktubre, nakabaton man ini sang nominasyon para sa Best Youth Film sa 17th Asia Pacific Screen Awards matapos ang premiere sa Toronto International Film Festival.
Ini nga anunsyo sa panibag-o nga achievement sang ‘Sunshine’ ang natabo man kadungan sang pagbalik ni Maris sa social media.
Ginpaguwa man sang actress-recording artist ang iya newest single nga may titulo nga “Perpektong Tao”.
Ini ang una sini nga engagement sa social media matapos nangin kontrobersyal sang Disyembre bangud sa cheating controversy kaupod sa iya onscreen partner nga si Anthony Jennings.
