Nagpadala sang sulat ang Committee on Public Safety sang Iloilo City Council sa Iloilo City District Engineering Office sang Department of Public Works and Highways Region (DPWH-6) nga kaayohon ang mga drainage nga guba.
Sa interview sang Bombo Radyo kay Councilor Sedfrey Cabaluna, chairman sang Committee on Public Safety, iya ginpahayag nga may drainage sa syudad ang wala sang mga cover ukon takop.
Suno kay Cabaluna, may mga proyekto man sang drainage nga substandard ang mga materyales rason nga madasig ini nga nagakaguba.
Ginpahayag man sang natungdan nga sa subong, wala pa naka-reply sa ila talatapan ang Iloilo City District Engineering Office kaangot sa amo nga tikang.
Apang, ginklaro man sini nga indi man gid kinahanglan nga mag-reply ang Iloilo City District Engineering Office basta siguraduhon lang nila nga mahatagan sang solusyon ang mga guba nga drainage.
