Magabalik sa Iloilo City si Jake Ejercito kaupod sa iban pa nga mga artista kadungan sang selebrasyon sang Dinagyang Festival 2025.
Lakip si Jake sa caravan sa Mandurriao sa Enero 26, alas kuatro sa hapon.
“Grabe ka kalakas sa akon, langga! Indi ta ka maagwanta, kaya babalikan kita agad this Sunday!,” suno sa actor.
Yara man ang loveteam nanday Donny Pangilinan kag Belle Mariano kaupod ang content creator nga si Esnyr nga lunsay yara sa series nga “How To Spot A Red Flag.”
Matandaan nga ginbansagan na si Jake bilang “langga” sang mga Ilonggo netizens kasunod sa iya pagpasakop sa Dinagyang Marathon sang Domingo kag paglibot sa syudad agud nga tilawan ang mga pagkaon nga ginapabugal sang Iloilo bilang naga-isahanon nga UNESCO Creative City of Gastronomy sa Pilipinas.
“Mga palangga ko sa Iloilo, I absolutely didn’t expect such a warm welcome. Whether online or in person, I didn’t come across anyone who wasn’t pleasant or gracious. Your kindness matches the beauty of your city. Madamo gid na salamat for making my first visit truly memorable. Nagalaum gid ko nga makabalik ko liwat sa dasig lang nga tion. Pero buot gid ako nga magpakita ka na gid sa masunod, ok? Imo palangga, Uno,” kabahin sang post ni Jake sang nagbiya ini sa Iloilo sang Enero 20.#
