Patigayunon na 1:00 karon sa hapon ang Kasadyahan sa Kabanwahanan nga isa sa ginabantayan nga highlights sang Dinagyang Festival 2025.
Pasakupan ini sang masunod nga mga tribu:
Banaag Festival sang Anilao
Kaing Festival sang Leon
Tawili Festival sang San Rafael
Hirinugyaw Suguidadonay Festival sang Calinog
Tinuom Festival sang Cabatuan
Cry of Jelicuon Festival sang New Lucena
Tangyan Festival sang Igbaras
Haw-as Festival sang Dumangas
kag Tultugan Festival sang Maasin nga amo ang defending champions
Sa sini nga kumpetisyon, may yara man sang walo ka special award categories nga ang kada magadaog makabaton sang 10,000 cash prize. Lakip diri ang:
Best in Performance
Best in Choreography
Best in Music
Best in Costume Design
Best in Production Design
Best in Discipline
Best in Street Dancing
kag People’s Choice Award
Sa interview sang Bombo Radyo kay Gilbert Marin, head sang Provincial Culture, Arts, History, and Tourism Office (PCAHTO), iya ginpahayag nga magluwas diri, may P1.2-million nga nagahulat sa champion, P700,000 para sa first runner up, kag P500,000 para sa second runner-up.
Ang anum nga non-winning groups ang makabaton naman sang tag-P200,000.
Ini nga Kasadyahan sa Kabanwahanan ang gamiton bilang plataporma nga mapabugal ang reputasyon sang Iloilo bilang manggaranon sa kultura, kustombre, tradisyon, pagkaon, nga kun sumahon nagalinya sa tourism slogan sang Iloilo nga: “Fun, Foodie, Friendly Iloilo”.
Antes ini nga big day, nakahatag na nga daan ang provincial government sang pondo sa participating municipalities.
Kada performance ang limitado lamang sa 8-10 minutes kag 29 seconds.
Magapanguna sa distinguished panel si Madam Shirley Halili-Cruz, former chair sang National Commission for Culture and the Arts – Committee on Dance kag artistic director sang Halili-Cruz School of Dance.
