Nagpangayo sang pasaylo si Miss Charm Philippines 2025 Cyrille Payumo sa mga tawo nga wala nagustuhan ang ginhimo niya nga pagsuksok sang iconic farewell gown ni Miss Universe 2018 Catriona Gray para sa isa ka pageant event.
Ginsuksok ni Payumo ang “Reflection” gown ni Catriona nga ginhimo sang Filipino designer nga si Mak Tumang sa Miss Universe Philippines-Pampanga finals night sang Sabado.
Madamo ang naugot nga fans sa pagpati nga exclusive lamang ang gown kay Catriona.
Sa iya Instagram post, ginsiling ni Payumo nga si Tumang ang nag-sponsor sang iya nga gown kag ginkabig niya nga dako nga kahigayunan kag dungog nga masuksok ang amo nga gown.
Matapos nangayo sang pasaylo, madamo naman nga beauty queens kag supporters niya ang nagsiling nga wala siya sang rason agud mag-sorry kag ang dapat basulon amo ang toxic nga pageant fans.
Wala pa sang comment si Catriona sa amo nga isyu.
