Ginsaylo sa Marso 4-7 ang schedule para sa pagpatigayon sang ikaduha nga Manila International Film Festival (MIFF).
Orihinal kuntani ini nga patigayunon sa Enero 30-Pebrero 2 apang ginpaiway anay bangud sa wildfires sa Southern California.
Ginkumpirma man sang organizers nga ang pors yon sang proceeds halin sa events lakip na sa screenings ang iga-donar para sa fire relief efforts sa Los Angeles.
Sa pagkamatuod suno sa MIFF, ang tanan nila nga events ang may yara sang fundraising aspect.
Dayunon man ang entries plus special screening films sa TCL Chinese Theatre sa Hollywood kag may simple closing night event nga “A Tribute to Our First Responders” sa International Ballroom sang Beverly Hilton sa Beverly Hills.
Diri itanyag ang libre nga admission sa first responders sa sunog amo man sa ila nga immediate families. Ang “A Tribute Dinner to Our First Responders” nga amo ang closing night ceremonies amo naman ang magapadungog sa mga tawo nga nagbulig tapna sa wildfires.
Lakip sa entries nga dal-on didto sa California amo ang “And the Breadwinner Is..”; “Espantaho”; “Green Bones”; “Hold Me Close”; “My Future You”; “Strange Frequencies: Taiwan Hospital Killer”; “The Kingdom”; “Topakk”; kag ang “Uninvited”.
May special screening man ang “The Debut”; “Love Hurts” ; “Faith Healers”; “Nurse Unseen”; “A Filipino in America”; kag ang box office record-breaking nga “Hello, Love, Again”.
