Patay ang isa ka 46-anyos nga lalaki matapos gintiro sang iya nga kaingod-balay matapos sila nga nagbais.
Ang ila baisay nag-ugat sa away sang ila nga mga ginasagod nga pato kag manok.
Natabo ini sa Barangay Pusiw, Numancia, Aklan.
Batay sa imbestigasyon, nagainom ang biktima kag suspek sang nagbaisay ang mga ini matapos nga ginsulong sang pato sang biktima ang manok sang suspek.
Nagkuha sang pusil ang suspek kag gintiro ang biktima sa dughan sang duha ka beses.
Gindala pa sa ospital ang biktima apang ginbawian gid sang kabuhi.
Natigayon naman nga maaresto ang suspek kag magapangatubang sang nagakaigo nga panumbungon.
