Ginmuno kag ginsaway sang health and medical advocates ang pag-insulto ni Sen. Ronald “Bato” dela Rosa sa nawong ni Akbayan Rep. Percival Cendaña nga isa gali ka stroke survivor.
Nag-ugat ini sang nagkomento si Cendaña kaangot sa impeachment batok kay Vice President Sara Duterte.
Sang nagsiling si Sara nga mas masakit pa nga mabayaan sang nobya ukon nobyo ipaanggid sa pag-impeach sang Kamara sa iya, nagkomento man si Cendaña nga indi ini nahanungod sa lover kundi istorya sa “public accountability and liability.
Diri na kag nag-eksena si Bato kag nagsabat sa comment section nga daw nasumbagan ang nawong sang kongresista rason nga nagkiwi. Ginhangkat pa niya ini nga magpalapit para nga masumbagan sa pihak nga parte sang nawong agud nga magbalanse.
Nagsabat naman ang Akbyan representative nga kiwi ang iya itsura bangud isa siya ka stroke survivor. Nagpalabtik man ini nga maisog ang senador, pero kuntani suno sa iya, amo man ini kaisog pag-abot sa isyu sa China sa West Philippine Sea kag pag-atubang sa International Criminal Court kaangot sa isyu sa war on drugs.
Si Bato amo anay ang chief sang Philippine National Police (PNP) sa idalom sang Duterte administration, samtang si Cendaña naman ang una nga nagpirma sa una sa apat ka impeachment complaints batok kay Sara Duterte.
Base naman sa joint statement sang 31 ka mga doctor kag advocates nga kadam-an parte sang umbrella group nga Epilepsy Awareness Philippines, ang komento ni Bato ang insulto sa dignidad sang mga tawo nga may health conditions.
“Senator Bato Dela Rosa’s attack on Akbayan Rep. Perci Cendaña is not just cruel—it is an insult to the dignity of persons with health conditions,” kabahin sang statement.
Pahayag pa sang grupo, kun nag-research kuntani si Bato, nahibaluan kuntani sini nga na-stroke anay ang kongresista. Ang kaangay sini nga komento suno sa grupo ang nagapadalom pa sang diskriminasyon sa mga tawo nga may problema sa ikaayong lawas.
“Instead, his appalling remarks reinforce harmful stereotypes and deepen the discrimination that people with various health concerns endure every day. Advocates have long fought for a society built on inclusivity, respect, and equal rights, yet Dela Rosa s actions undermine this progress by reducing a hlth condition to a mere punchline,” kabahin sang statement.
Mangin si former Senator Leila de Lima ang nagpahayag man nga bastos ang pahayag sang senador.
“Hindi ito biro tahasang pambabastos ito, lalo na sa isang taong buong tapang na humarap at nalampasan ang matinding hamon sa kanyang kalusugan,” pahayag ni De Lima. “Ipinapakita ng ganitong asal kung bakit kailangang piliing mabuti ang mga namumuno sa ating bayan.”
