Nagbalos si President Ferdinand “Bongbong” Marcos Jr. sa pahayag ni former President Rodrigo Duterte nga pangpatyon ang 15 ka mga senador para nga may bakante nga mga posisyon para sa mga kandidato sang Partido Demokratiko Pilipino (PDP)-Laban.
Ang sabat ni Marcos ang natabo kadungan sang rally sang Alyansa Para sa Bagong Pilipinas senatorial slate sa Davao Del Norte nga baluwarte mismo sang mga Duterte.
Suno kay Marcos, daw kaangay nga nahadlok ang iban nga partido kun makit-an ang Alyansa sang administrasyon bangud lain-lain na ang ila ginapanghambal. Mabudlay suno sa chief executive bangud may iban nga mga tawo nga ang isahanon nga solusyon nga nakita sa mga problema amo nga magpatay sang tawo.
“Nakikita natin ang ibang partido… nagugulat sila, natatakot yata sila sa inyo dahil pag nakita ang line-up ng Alyansa ay kung anu-ano na ang sinasabi,” suno sa presidente. “Narinig lang natin nung isang araw, wala daw pag-asa siguro… wala silang pag-asa kaya papatay na lang sila ng 15 senador. Sabagay, mahirap naman ang ibang tao, ang iniisip lang nila ang kaisa-isang solusyon sa lahat ng problema ay pumatay pa ng Pilipino. Nakakapagtaka kung bakit ganoon.”
Wala direkta nga ginhambal ni Marcos ang pangalan ni former President Duterte, apang kun balikan, ang anay punong ehekutibo amo ang nag-lahog sa rally sang senatorial slate sang PDP sang nagligad nga Huwebes nga kun makapatay sila sang 15 ka mga senador, sulod na ang tanan nga kandidato nga iya gina-endorso.
Bisan nga ginsiling nga “joke” lamang ini sang former president, may iban nga nagbwelta kag nagsabat nga pwede ini makasuhan bangud sa pagpamahog.
Sa iya speech sa Davao, liwat nga ginsulit ni Marcos ang kaundan man sang iya speech sa Laoag, Ilocos Norte kag sa Iloilo City kun sa diin nagpabati-bati ini nga ang iya mga senatorial candidates ang wala sang involvement sa extrajudicial killings kag kurapsyon sang tion sang COVID-19 pandemic.
Ginsulit man sini nga indi sila pro-China kag wala man sila nagapabor sa Philippine Offshore Gaming Operators ukon POGO.
“Ngunit maiintindihan mo rin dahil kung ako nga ay nasa kabilang partido at itong mga ito ang kaharap natin, sasabihin ko, mahirap na kampanya ito dahil mabigat ang kalaban. Dahil kung kikilatisin natin sila isa-isa, napakatingkad po ng mga record nila, napakaganda ng kanilang mga naging performance sa kanilang iba’t-ibang inupuang mga posisyon sa pamahalaan,” dayaw ni Marcos sa iya nga mga kaalyado.#
