𝗜𝗟𝗢𝗜𝗟𝗢 𝗖𝗜𝗧𝗬 – Magapatigayon sang Annual Four Way Test Oratorical Contest ang Rotary Club of Iloilo South.
Tema sang aktibidad subong nga tuig amo ang “Four Way Test: What are the Practices that Hamper the Philippine Election as a Democratic Process.”
Sa interview sang Bombo Radyo kay Dr. Romeo Magallanes, chair sang nasambit nga aktibidad, iya ginpahayag nga ini na ang ika-39 nga edition sang contest.
Suno kay Magallanes, ang ini nga contest ang ginapasakupan sang 10 ka mga contestants sa mga eskwelahan sa Iloilo City.
Ini ang naghalin sa Ateneo De Iloilo, Central Philippine University, Iloilo National High School, Colegio De San Jose, Iloilo Scholastic Academy, SPED School for Exceptional Children, Sun Yat Sen High School, Paref Westbridge School, University of the Philippines Iloilo, kag University of San Agustin.
Katuyuan sini suno sa natungdan amo nga mahatagan sang kahigayunan ang mga kabataan nga mabatian ang ila bahin natuhoy sa nagkalain-lain nga isyu sa komunidad.
Patigayunon ang highlight sang contest sa Pebrero 28 sa Robinson’s Mall Iloilo Fountain Area.
