Ginkilala ang tatlo ka mga unibersidad sa Iloilo City bilang top performing schools sa August and September 2026 Philippine Nurse Licensure Exam.
Sa kategorya kun sa diin may masobra 100 examinees, nagapanguna ang Saint Paul University nga may 100% nga rating matapos lunsay nakapasar ang ila 121 ka examinees.
Nagapang-apat naman ang Central Philippine University ukon CPU nga may 99.03% nga rating kun sa diin 205 sa 207 examinees ang nakapasar sa pasinawan.
Sa separado nga kategorya kun sa diin may 50 tubtub 99 examinees, Rank 1 ang West Visayas State University sa La Paz, Iloilo City nga may yara sang 100% nga rating. 89 sa 89 examinees sa College of Nursing sa amo nga eskwelahan ang nakapasar sa exam.
Magluwas diri, halin man sa tatlo ka nasambit nga unibersidad ang anum ka mga examinees nga lakip sa topnotchers.
Rank 4 si Roi Christian Pachica sang CPU nga may rating nga 91.60 %.
Nagikan naman sa WVSU ang Rank 6 nga si Criselyn Marie Dela Cruz nga may rating nga 91.20%.
Rank 7 naman amo si Nathan Gaviola- St. Paul University- Iloilo nga may 91% rating.
Nakuha naman ni LJ Orpheus Soriano nga nagradwar sa WVSU ang Rank 9 sa rating nga 90.60%, samtang Rank 10 naman sanday Paula Marie Deloria kag GM Grace Garovillo sang amo man nga unibersidad nga may 90.40% rating.
Nahibaluan nga sandig sa Philippine Regulation Commission (PRC), 28,652 ang passers out of 37,359 nga nagkuha sang exam.
