Nakatalana subong nga adlaw, Oktubre 31, ang katapusan nga adlaw para sa pagpaminta sa mga lapida kag pansyon sa Jaro Catholic Cemetery sa Barangay Cuartero, Jaro, Iloilo City.
Sa interview sang Bombo Radyo kay Wendell, isa ka pintor, iya ginpahayag nga gintagaan sila sang schedule para sa pagpaminta kag pagpaninlo sa nasambit nga patyo nga nagsugod sang Oktubre 25 kag matapos subong nga adlaw.
Suno sa iya, may yara sang 30 ka otorisado nga pintor nga nakarehistro sa simbahan kag gintagaan sang identification card agud masiguro nga lehitimo ang ila serbisyo.
May yara man sang roving personnel nga nagalibot sa palibot sang pstyo agud mag-monitor sang mga aktibidad sang mga pintor kag magpatuman sang regulasyon nga nagadumili sa pagpaminta sugod sa Nobyembre 1 kag 2.
Pahayag ni Wendel, ginpatuman ang pagparehistro sa mga pintor agud malikawan ang posible nga pagpang-scam kag masiguro nga masaligan sang mga kliyente ang serbisyo sang mga pinto sa patyo.
Ginpahayag man niya nga nagalab-ot sa P200 ang bayad sa pagpaminta sang standard nga lapida kag pansyon, samtang P100 naman para sa dugang nga pagmarka sang mga letra sa lapida apang may dugang nga P50 kon tatlo ka ngalan ang iga-pasumbra.
Dugang pa, ginapangabay man ni Wendel sa publiko nga magpapinta na sang ila mga lapida subong nga adlaw agud masunod ang istrikto nga regulasyon sang nasambit nga patyo.
