Napilitan nga maghugpa sa lain nga destinasyon ang isa ka eroplano nga halin sa New York, Estados Unidos sang Amerika bangud sa bomb threat nga nabaton.
Suno sa flight-tracking account nga Flight Emergency site kag airport sources, halin ang American flight AA292 sa John F. Kennedy International Airport kag pakadto kuntani sa New Delhi, India.
Santo sa sources, nagalupad ini malapit sa Caspian Sea sang ginpaandaman sang airline ang crew sang nabaton sini nga bomb threat.
Nag-divert ang American flight AA292 sa Italya kag naghugpa sa Leonardo da Vinci airport sa Roma. Ginapahayag nga 200 ka mga tawo ang sakay sa flight sang Boeing 787-9 Dreamliner.
Base sa inisyal nga impormasyon, napadala ang bomb threat paagi sa email, apang natalana pa nga magpaguwa sang dugang nga komento ang American airlines. As of press time, may napadala nga statement ang airlines nga: “American Airlines Flight AA292, operating from New York to Delhi, has been diverted to Rome due to a potential security threat onboard. We are working closely with local authorities and will provide updates as the situation develops. We appreciate the patience and cooperation of our passengers.”
