Nasapwan sa ice cooler ang tiil kag nakit-an nga naputos sa habol kag nagakadunot na ang lawas sang isa ka lalaki nga una na-report nga missing sa Caloocan City.
Ang biktima amo si Michael Dolina, 37-anyos, nga kilala man bilang si Shalani.
Isa sa persons of interest amo ang tattoo artist nga nagaistar sa balay kun sa diin nakit-an ang lawas sang biktima.
Antes nakit-an ang lawas, tatlo ka adlaw na ini nga ginapangita.
Sa subong indi na makit-an ang tattoo artist apang ginapasungka ini sang iya pamilya.
Suspetsa naman sang himata sang biktima, indi lang isa ka tawo ang suspek.
Ginpahayag sang otoridad nga indi pa maathag kun ano ang motibo sa krimen.
