Kun nagakaon kita sa guwa apang daw indi manami ang pagkaon kag eksperyensya, masami nga nagabawi kita sa reviews.
Apang ini nga reviews amo ang rason kun ngaa tuman ang kaakig sang isa ka ramen shop sa Japan nga nagpamahog pa sa kabuhi sang duha ka customer nga wala nanamian sa ila serbisyo.
Natabo ini matapos nagbilin ang duha ka customer sang isa gid lamang ka star sa rating sa ila nga ramen shop.
Bangud top-rated ramen shop ang TOYOJIRO sa Kyoto, naakig ang tag-iya kag nag-rant sa social media. Sa sobra sini nga kaugot, gin-post sini pati ang picture sang mga customer.
Ginhangkat pa niya ini nga magbalik, magkaon liwat, kag magsulat man sang maayo nga review kag ibutang ang ila laragway.
Nagsiling ang tag-iya nga indi gid sila pagpasensyahon kun indi nila ini paghimuon.
Nag-post man ini nga magahatag siya sang padya nga 100,000 yen (PhP38,700) sa kay bisan sin-o nga makahatag sang impormasyon kaangot sa duha ka mga customer.
Bangud sa ginhimo sang tag-iya, naglapta ang gintanyag sini nga reward, apang sa baylo nga magpabor sa iya ang sitwasyon, ginsaway siya sang mga tawo kag ginsugo nga mag-sorry.
Sang ulihi, nag-ako ang tag-iya nga daw nasobrahan gid man ang iya ginhimo, gani maga-move on na siya kag maga-reflect sa iya ginhimo.
“I know there are pros and cons. For an act that went too far. I’m reflecting on this,” Instagram post sang tag-iya sang ramen shop. “Looking forward to continuing to reflect and move forward. Thank you.”
Nag-post man ang restaurant sang separado nga public apology.
Ginpabugal man nila nga naangkon nila ang champion status sa largest ramen site sa Japan nga Ramen Database isa ka bulan pa lang matapos ang ila opening, apang nagsiling nga ginahinulsulan gid nila ang ila aktwasyon.
“Our restaurant, which achieved champion status on Japan’s largest ramen site, Ramen Database, just one month after opening, deeply regrets the recent incident we have caused,” kabahin sang statement.
“However, this incident has resulted in a shameful outcome for us,” dugang sang restaurant. “We are committed to transforming ourselves and becoming a ramen restaurant that is truly supported by customers from around the world.”#
