Ginkumpirma sang Vatican ang gulpyada nga paglala na naman sang respiratory condition ni Pope Francis samtang yara ini sa ospital sa Roma sa Italya.
Sa statement sang Holy See Press Office nga gin-release sang Vatican alas tres sa kaagahon oras sa Pilipinas, ginsiling nga nag-eksperyensya ang Santo Papa sang “isolated breathing crisis”.
Bangud sa episode sang bronchospasm, nagpalanuka ang Pope. Gilayon ini nga ginpaidalom sa bronchial aspiration para nga makaginhawa ini sang maayo, kag ginbutang sa non-invasive mechanical ventilation nga amo ang nagpa-improve sang iya nga oxygen level.
Natabo ini matapos ang respiratory physiotherapy sang Holy Father kag pagpangamuyo sa chapel sa ospital.
Suno pa sa Vatican, alerto gihapon ang Pope kag nakahibalo sa nagakatabo sa iya palibot kag nagakooperar man ini sa therapeutic treatments. Hugot sa gihapon ang pagbantay sang mga doctor sa iya nga kondisyon sa ika-14 nga adlaw sini sa ospital.
Yari ang kabug-usan nga statement nga gin-post sang Vatican News:
“The Holy Father, this afternoon, after a morning spent alternating between respiratory physiotherapy and prayer in the chapel, experienced an isolated episode of bronchospasm. This caused an episode of vomiting, which led to him inhaling some and a sudden worsening of his respiratory condition.
The Holy Father was promptly subjected to bronchial aspiration (to clear his airways) and was put on non-invasive mechanical ventilation, which improved his oxygen levels.
He has remained alert and aware at all times, cooperating with therapeutic treatments.
The prognosis, therefore, remains guarded.
In the morning, he received the Eucharist.”
Ini nga balita subong nga adlaw ang natabo matapos tatlo ka sunod-sunod nga adlaw man nga positibo nga update ang dala sang Vatican nga nagsiling nga may improvement sa kondisyon sang Pope samtang nga ginabatuan sini ang “complex” infection nga dala sang duha ukon masobra pa nga micro-organisms.
Sa nagligad nga tatlo ka adlaw, gindula man sa statement ang termino nga critical ang kondisyon sang Pope.
Apang bangud sa bag-o nga development, ginalauman nga 24-48 ka oras ang kinahanglan sang medical team agud nga ma-evaluate kun paano maapektuhan sang episode sang pagpalanuka kag kabudlay sang pagginhawa ang kabug-usan nga health condition sang 88-anyos nga Santo Papa.
Pebrero 14 sang gindala si Pope sa Gemelli Hospital sa Roma bangud sa severe respiratory infection nga amo ang nag-trigger sang iban nga mga kumplikasyon.
Indi klaro kun san-o ini makaguwa sa ospital, apang ginkumpirma na sang Vatican nga indi makapanguna si Pope sa tuigan nga Church service sa Ash Wednesday sa masunod nga semana nga amo ang opisyal nga magabukas sang Christian season of Lent.#
