Nagdesisyon na lang nga indi magdayon si Michelle Dee sa ikaduha nga edisyon sang Miss Grand International All Stars.

Ini agud unahon ang iya ikaayong lawas tubtob nga mag-ayo ini matapos magpaidalom sa emergency appendectomy sang Nobyembre 9.

Suno kay Michelle, ginsingganan ini sang iya medical team nga likawan anay ang makapoy nga mga aktibidad agud malikawan ang posible komplikasyon.

Suno sa iya, importante nga sundon ang iya recovery kag indi pagpiliton ang kaugalingon nga maghimo sang mga aktibidad nga makapakapoy.

Bangud sa pag-atras ni Michelle, duha na lamang ka Pinay ang magapadayon sa kompetisyon, ini amo sanday Alexie Mae Brooks kag Anne Patricia Lorenzo Diaz.