Nagsaka na sa masobra sa 15,000 ang kaso sang influenza-like illness (ILI) sa bug-os nga pungsod nga narekord sang sulod sang duwa ka semana sang Oktubre.
Suno sa report sang Department of Health (DOH), nakarekord sang 15,212 ka mga ILI cases halin Oktubre 4 tubtob 17 samtang 12,929 ka mga kaso naman sang Setyembre 20 tubtob Oktubre 3.
Dugang pa sang ahensiya nga 17 ka porsyento ang nagsaka sa infection samtang nagpabilin naman sa 0.06 ka porsyento ang fatality rate.
Lakip sa may pinakataas nga numero sang kaso sang ILI ang Western Visayas, MIMAROPA kag Central Visayas.
