Nagapabilin nga kritikal ang kondisyon ni Ate Gay, isa ka Pinoy nga komedyante pagkatapos ini nga ma-stroke, suno sa isa ka post sa Facebook.
Sa pahayag sang iya pamilya, gilayon nga gindala ang komedyante sa emergency room sang Asian Hospital and Medical Center (AHMC) sang Oktubre 17 bangud indi ini kaginhawa sing maayo.
Suno sa iya mga doktor, may ara siya sang septic shock kag acute respiratory failure secondary to pneumonia, ukon severe infection kun sa diin naapektuhan ang iya pagginhawa kag blood circulation.
Kasunod sini, na-admit siya sa Intensive Care Unit (ICU) para sa mas madalom nga treatment kag monitoring.
Base sa pahayag sang iya physician, nalampuwasan niya ini apang sang damlag lang, na-stroke siya kun sa diin naapektuhan ang tuo nga bahin sang iya utok.
Sa subong, ginakonsiderar sang iya pamilya nga ihalin siya sa panibag-o nga ospital bangud sa nagasaka ang ila medical expenses apang ginapamatukan ini sang iya doktor bangud sang iya alamligan nga estado.
Gani, nagapabilin siya subong sa ICU kag padayon nga nagahingyo sang bulig sa publiko ang iya pamilya.
Ginapasalamatan man sang pamilya ni Ate Gay ang tanan nga naghatag sang bulig kaangay sang pila ka mga ahensiya sang gobyerno, pribado nga mga indibidwal, charitable institutions, kag iban pa nga mga organisasyon.
