(Trigger warning: This article contains details of sexual abuse.)
Sunod-sunod ang mga pababati-bati ni Raquel Pempengco matapos naglapta online ang kaundan sang libro sang iya anak nga si Jake Zyrus ukon mas kilala anay nga si Charice Pempengco.
2018 sang gin-publish ang memoir nga “I am Jake” kun sa diin gin-plastar sang singer ang iya mga naagyan halin sang bata pa siya tubtub nga nag-out bilang miyembro sang LGBTQIA+ (lesbian, gay, bisexual, transgender, queer, questioning, intersex, asexual) community sang June 2013.
Lakip sa sensitibo nga bagay nga ginbulgar sini amo ang pagpangmolestiya sang iya kaugalingon nga tiyo nga nag-umpisa sang naga-edad pa lamang siya sang anum ka tuig. Wala sang nakahibalo sang nagakatabo nga sulit-sulit nga sexual abuse ilabi na kun kaupod nila ini sa balay sang iya nga Lola.
“My uncle, supposedly my second father, asked me to touch his genitals. I refused to move and didn’t talk. I just lay there stiffly, waiting for the nightmare to be over. I think that disappointed him. He gave up, and I breathed a sigh of relief, thinking that was it; that he would never touch me again. I was wrong,” kabahin sang nakasulat sa libro.
“The sexual abuse happened again and again and again the entire year that we lived with him in my grandmother’s house. The fact that my mother was never home during the day made it easy for him to assault me whenever he wanted,” dugang ni Jake.
15 ka tuig pa ang nagligad sang natubuan sang kaisog si Jake nga magpanugid sa iya nga iloy, apang suno sa iya, gin-akigan siya sini, kag mas ginpatihan ang iya nga tiyo.
Bisan 2018 pa napaguwa ang libro, subong lang ini nasapakan matapos may nag-upload sang content sini online.
Madamo ang nag-simpatiya kay Jake kag may nagsiling pa nga nahangpan na kun ngaa si Jake na subong si Charice. May iban pa nga ginbasol si Raquel nga sa amo nga libro gintawag man ni Jake nga “evil queen” kag “abusive mother.”
Ginbulgar man sini nga nakaagi siya sang physical kag emotional abuse, kag naghimo pa ang iya iloy sang peke nga mga account agud nga magpadala sang hate messages sang nagdesisyon siya nga mag-out na bilang miyembro sang LGBTQ+ community.
Ginsiling naman ni Raquel nga fake news ang mga nagalapta subong kag butigon suno sa iya ang nagapalapta sang impormasyon. Gindugang pa sini nga indi na updated ang isyu nga ini, kag siya na lang ang magasugpon sa libro.
“Meron na namang fake news. Galing daw isang libro. Mga bashers, hindi updated ‘yang libro na ‘yan. Abangan niyo, ako ang mag-uupdate ng libro na yan. Sari sari na lang issue niyo,” suno kay Raquel sa Facebook apang wala man sini direkta nga ginpangalanan ang libro.
“Mga gumagawa ng kwento ang iba. Baka magulat kayo kapag ako ang nagkwento. Kaya tumigil na kayo sa kaka-fake news na yan. Mga salot ng lipunan,” dugang sini.
May separado pa gid ini nga post nga nagasiling, “Kwento niyo ‘yan, malamang masama ako diyan. Pero hindi ko alam ang kwento na yan. Sanay na akong tawaging masama. Kung yan ba ikakasaya niyo. Tanggap ko na ang pangalan kong evil queen. Basta ako, alam ko ang sarili kong kwento pero di ko na isasalibro dahil ayoko nang may mapasama at madagdagan ang mga evil.”
Nahibaluan nga si Raquel amo man anay ang former manager ni Jake.
