Kasado na ang former child star nga si Bugoy Cariño sa iya long-time partner nga si EJ Laure.
Ginpatigayon ang church wedding sa Tagaytay, kahapon, Marso 9, matapos ang ila engagement sadtong Septyembre 2023.
Lakip sa mga nagtambong sa selebrasyon amo ang teammates ni EJ halin sa Nxled Chameleons.
Matandaan nga 2018 sang nagbiya sa limelight si Bugoy sa tunga sang mga espekulasyon nga napabusong sini ang iya girlfriend. Sang amo nga tion, naga-edad ini sang 16-anyos samtang 21 anyos naman si EJ.
Pila ka tuig sini nga gin-enjoy ang kabuhi sa guwa sang entertainment industry, tubtub nga sang nag-edad na si Bugoy sang 18-anyos sang 2020, ginpakilala na ang ila bata nga si Scarlet.
Nag-umpisa man ang couple sang YouTube channel kag nagsulod sa online selling business.
Kilala naman si EJ nga former University of Santo Tomas star nga nagsaylo halin sa Chery Tiggo pakadto sa Nxled.
