Sa ikaduha nga sunod-sunod nga tion, wala na naman ginmensyonar ni President Ferdinand Bongbong Marcos Jr. ang iya utod nga si Senador Imee Marcos samtang nagapangampanya para sa Alyansa Para Sa Bagong Pilipinas sa Laguna.
Sa baylo nga 12 ka mga kandidato sang Alyansa, 11 lang ang ginhinambit ni Marcos sa iya nga speech.
Sa iya endorsement speech sa Cavite sang Marso 21, ginlaktawan man sini ang pangalan sang iya magulang.
Ini ang nagagatong sa espekulasyon kun wala na bala si Imee sa slate sang Alyansa, apang wala pa man sang ginhatag nga opisyal nga klaripikasyon kun may gindula na sa ila nga senatorial lineup.
“Kaya po magkaisa po tayo. Magkaisa po tayo sa ating Alyansa. At huwag nating gawing alyansa lamang nitong sampu, eleven na tao, eleven na kandidato na tumatakbo bilang senador na kasama sa Alyansa. Samahan niyo po kami. Samahan niyo po kami at magka-alyansa rin tayo. Magkapit-bisig po tayo at sama-sama po natin pagandahin ang buhay ng bawat Pilipino. Magsama-sama po tayo. Magtulungan po tayo. Mag-alyansa po tayo muli upang labanan ang kahirapan, upang labanan ang krimen, upang labanan ang mga drug lord na pumapasok dito sa Pilipinas. Ito po, hinaharap ko po sa inyo ang ating Alyansa na siyang gagawa at siyang magtatrabaho upang pabalikin ang kapayapaan dito sa ating minamahal na Pilipinas,” kabahin sang speech sang presidente sa Laguna rally.
Nauna na nga si Imee mismo ang wala nagsipot sa rally sang Alyansa sa Tacloban amo man sa Cavite bangud ginakontra sini ang pag-aresto kay former President Rodrigo Duterte kag pagdala sa iya sa The Hague.
Siya man ang nagpanguna sa Senate hearing sang Huwebes nga naangot sa Duterte arrest kag nagkwestyon sa mga tikang kag desisyon sang Cabinet secretaries sa pagdakop sa former president.#
