Datu Odin Sinsuat, Maguindanao del Norte – Patay ang isa ka election officer samtang pilason naman ang bana sini matapos gin-ambush sang wala pa nakilala nga mga armado nga suspek sa Barangay Makir, Datu Odin Sinsuat.
Ang mga biktima amo sanday Maceda Lidasan Abo, Election Officer sang Datu Odin Sinsuat, kag bana sini nga si Jojo Abo.
Padulong ang mag-asawa sa Dalican Election Offic sakay sang ila SUV sang ginluthang sang wala pa matumod nga mga suspek.
Padayon naman ang imbestigasyon sang mga otoridad agud matumod ang motibo sa krimen kag kilalahanon ang mga yara sa likod sang pag-ambush.
Ginkumpirma naman ni Maguindanao del Norte Provincial Election Supervisor Atty. Nabil Mutia ang pagtaliwan ni Maceda Abo, samtang nagapaayo naman sa ospital ang iya bana.
