Nagpungko bilang pinakauna nga Officer-in-charge sang Police Regional Office-Negros Island Region (PRO-NIR) si Police Brigadier General Jack Wanky.
Ini ang ginkumpirma mismo ni Wanky sa iya nga speech sa ginpatigayon nga activation sang PRO-NIR nga ginhiwat sa Bacolod City.
Si Wanky ang nagapungko man nga Regional Director sang Police Regional Office 6.
Suno kay Wanky, buy-an lamang sini ang posisyon bilang PRO-6 director kun may bag-o na nga opisyal nga magabulos sa iya.
Nahibaluan nga ang pagtukod sang PRO- NIR ang santo sa National Police Commission (NAPOLCOM) Resolution No. 2025-0055 nga ginpagwa sang Enero 9, 2025.
Katuyuan sini nga mapadasig ang pagsaylo sang administratibo nga superbisyon kag operational control sa Police Provincial Offices sang Negros Oriental, Negros Occidental, Siquijor, kag Bacolod City Police Office.
