Gin-ako sang 33-anyos nga Filipina singer nga si Klarisse de Guzman nga myembro siya sang LGBT+ community.
Sa latest episode sang “Pinoy Big Brother: Celebrity Collab Edition”, magluwas sa pagbuyagyag sang iya matuod nga sexual orientation, gin-share man sang singer nga apat ka tuig na ang iya same-sex relationship sa partner sini nga si “Trina.”
Gina-identify ni Klarisse ang iya kaugalingon bilang bisexual. Dugang sini, ang iya girlfriend amo ang nagatatap sa iya nga iloy.
“I’m am bi. ‘Yung kinukwento ko sa inyo na may four years akong partner. Yes, I have a partner of four years (and) her name is Trina. Hindi ko in-expect na masasabi ko ito ngayon,” suno kay de Guzman.
“Ang lakas ng loob ko para sabihin and hindi alam ng parents ko, bago mawala Papa ko, alam ng Mama ko, and kasama ngayon ng Mama ko is her,” dugang sini.
Gin-share man sang singer nga ginabaton sang iya pamilya kun ano man ang iya sexual orientation.
Ginpahayag sini nga kumportable man siya nga na-share ini kaupod sa iban nga yara sa reality show ilabi na bangud ang nag-facilitate sang confession amo ang beauty-queen kag model-actress nga si Michelle Dee nga una naman nag-ako nga isa siya ka bisexual.
“I guess komportable ako sabihin sa inyong lahat with Michelle Dee pa. Hindi ko mahintay na ma-meet n’yo siya and I miss her. Sobrang suwerte ko lang talaga kasi tanggap ako ng parents ko,” suno sa iya. “Hindi ako nahirapan sa phase na ‘yun. Even some of my relatives alam pero hindi ko pa nga nasasabi sa work ko, so I am proud, love wins.”
Nahibaluan nga antes kay Klarisse, madamo na nga queer stories ang nagsugod sa sini nga television reality competition; umpisa kay BB Gandanghari nga subong isa ka transwoman.
Yara man si Fifth Solomon sa “All In” edition kag ang trans woman nga si Raf Juane sa “Kumunity Season 10.” Na-feature man diri ang gay couple nga sanday Dingdong Bahan kag Patrick Ramirez bilang duo sang nagligad nga last season.
