Mas hugton sang Iloilo Provincial Drug Enforcement Unit (PDEU) ang pagbantay sa mga pantalan sa probinsya kasunod sang dalagko-an nga recoveries sang iligal nga druga.
Sa interview sang Bombo Radyo kay Police Major Dadje Delima, Head sang Iloilo Provincial Drug Enforcement Unit, iya ginpahayag nga padayon ang ila koordinasyon Philippine Coast Guard (PCG) kag pila ka ahensya sang gobyerno agud nga hugot nga mabantayan ang mga entry points sang probinsya.
Suno kay Delima, padayon man ang hugot nga pagpakig-angot sang talatapan sa Philippine Drug Enforcement Agency (PDEA) agud nga mapasanyog ang pagkampanya batok sa iligal nga druga.
Ginpahayag man sini nga tayuyon ang monitoring sang PDEU sa probinsya ilabi na sa northern part sang Iloilo.
Gintumod man sang natungdan nga kalabanan sa mga druga nga nagasulod sa Iloilo ang nagahalin sa Manila kag ginapadala lamang sa probinsya, rason man nga nagakadapat nga mas pasangkaron ang pagbantay sa mga pantalan.
