Nagpaidalom sa vasectomy ang celebrity host nga si Drew Arellano.
Gin-post sini sa Instagram ang iya selfie samtang nagasuksok sang hospital gown kag yara sa hospital bed.
“Happy late and advanced Mother’s Day to my wife,” pahayag sini sa caption dala ang hashtags nga #HappyVA-SEC-TO-MEEE kag #snipsnip.
Kasado si Drew sa host nga si Iya Villania halin sang 2014. May yara na sila sang lima ka mga bata nga sanday Primo, Leon, Alana, Astro, kag Anya.
Base sa Mayo Clinic, ang vasectomy ang isa ka sahi sang birth control kag ginakonsiderar nga minor surgery kun sa diin utdon kag iga-seal sang surgeon ang tubes nga nagadala sang sperm.
Sa comments section, gindayaw sang fans kag netizens si Drew sa pag-promote sang sini nga sahi sang contraceptive para sa mga lalaki.
