Nag-release sang statement ang P-pop girl group nga BINI agud nga magpangayo sang pasaylo sa tunga sang kontrobersiya nga ginakaulamiran sang tatlo sa ila mga myembro.
Sa pahayag sang grupo kun sa diin nakabutang ang pangalan nanday Colet, Stacey, Jhoanna, Aiah, Maloi, Gwen, Mikha, kag Sheena, ginsiling nga ang video nga naglapta ang isa kuntani ka private moment kun sa diin kaupod nila ang pila sa ila abyan.
Ginpahayag sang BINI nga wala sila sang excuse sa ila nga actions, reactions kag choice of words kag gina-ako nila ang sala nga ila nahimo kag ang salabton kasunod sini.
“We know that the past couple of days have been triggering and disappointing for all of you. Sincerely, we understand where all of those feelings are coming from,” panugod sang statement.
Dugang pa sa pahayag: “The video shows a private moment of us with friends. We definitely did not intend to hurt anyone in the process. We offer no excuse for our actions, reactions, and choice of words. We take full accountability. Nagkamali kami.”
Ginpahayag man nga nagahinulsol gid sila kag nagapangayo sang sorry sa ila mga abyan, pamilya, fans nga ginatawag ‘Blooms’, kag sa publiko.
Nagpangayo man sila sang tyansa nga maka-reflect kag makatuon sa ila nga mga sala kag tinguhaan nga mangin mas mayo nga version sang ila nga kaugalingon.
“We deeply regret our mistake and sincerely apologize to our Blooms, friends, families, and the general public. We humbly ask for a chance to reflect on and learn from our mistakes and continue to work on becoming better versions of ourselves. Maraming salamat po sa inyong malasakit, suporta, at pang-unawa,” ang pagtapos sang statement sang grupo.
Sang nagligad nga adlaw sang naglapta ang video kun sa diin nakit-an si Jhoanna kag nabatian ang tingog nga ginapahayag ila nanday Stacey kag Colet nga nagakadlaw sa “sexually suggestive scenario” sang ila upod nga sanday Ethan David kag Shawn Castro. Namensyonar pa ang isa ka sensitibo nga topiko nga pag-sexualize sa isa ka menor de edad.
Madamo ang nagmuno nga indi nagakabagay nga reaksyon sang tatlo bangud ginhimo nga kaladlawan ang sensitibo nga isyu kaangay sang grooming, pedophilia, kag sexual abuse.
May separado naman nga statement sanday Shawn kag David nga nagapangayo man sang sorry kasunod sang malip-ot lang apang nangin viral nga video.#
