Padayon nga nagapakilala sa international stage ang P-pop girl group nga BINI bilang pinakauna nga Filipino nga magatiglawas sa Asia sa kategorya nga Favorite Global Music Star sang Nickelodeon’s Kids’ Choice Awards 2026.
Kaupod sang grupo sa nasambit nga nominasyon ang mga kilala nga mga international artist nga sanday Taylor Swift, Zara Larsson, Tyla, kag iban pa.
Kaangot diri, may debut performance na ang grupo sa Vevo studios sa Los Angeles nga posible ma-stream sa official YouTube channel sang grupo.
Samtang, magaperform naman ang girl group kaupod ang British singer nga si Olivia Dean kag OPM artists nga Up Dharma Down, Lola Amour, kag Sunkissed Lola sa LaLaLa Festival Manila 2027.
Madumduman nga kabahin sa mga nominado sang nasambit nga awards show sang nagligad nga tuig ang mga kilala nga K-pop group nga BTS, BLACKPINK, BIGBANG, kag Stray Kids.
Text by: Bombo Kenea Hope Dellaba
