Madamo ang nagbilib sa moment sang Filipino star nga si Alden Richards sang naka-istorya sini sang malawig ang Hollywood superstar nga si Tom Cruise.
Natabo ini sa Seoul, South Korea sa international premiere sang “Mission: Impossible —The Final Reckoning.”
Dashing si Alden sa royal blue jacket kag black pants nga suksok sini sa red carpet.
Nagkamustahanay ang duha, naglawig ang pag-istoryahanay, kag naghaksanay pa antes ang pagpa-picture.
Gin-share pa ni Alden ang amo nga meeting sa social media nga siling niya ‘Ethan Meets Ethan.’
Si Ethan ang pangalan ni Alden sa Filipino blockbuster movie nga “Hello, Love, Again”, samtang si Ethan man ang pangalan ni Tom sa “Mission Impossible — The Final Reckoning.”
Magluwas kay Cruise, nakaupod man sang newly-crowned Philippine Box Office King sa Seoul ang iban pa nga bida sa pelikula lakip sanday Simon Pegg, Hayley Atwell, kag Greg Tarzan Davis.
Sarang malantaw ini nga pelikula sa Philippine cinemas umpisa sa Sabado May 17.
