Magasugod na buwas, Mayo 24, ang ika-65 nga Palarong Pambansa sa Ferdinand E. Marcos Memorial Stadium (FEMMS) sa Laoag City, Ilocos Norte.
Isa sa mga balantayan sa pagbukas sang nasambit nga sporting event amo si Olympic gold medalist Hidilyn Diaz, nga mangin lider sa panunumpa sang mga coach kag technical officials.
Ginalauman nga magaabot ang kapin 15,675 ka delegado kag opisyal halin sa 17 ka rehiyon, National Academy of Sports (NAS), Philippine Schools Overseas (PSO) kag National Technical Working Group para sa isa ka semana nga selebrasyon sang sportsmanship.
Si President Ferdinand Marcos Jr. ang ginalauman nga magahatag sang pormal nga pagbukas sa Palaro, kag magahatag sang mensahe kabahin sa kabakod kag papel sang kabataan sa pag-ugyon sang pungsod pinaagi sa sport.
Magasugod ang opening ceremony sa 5:00 sang aga paagi sa parada sang mga atleta.
Mangin lider sa Panunumpa sang mga Atleta si Gerick Jhon Flores, isa ka batan-on nga atleta sa baseball kag record-holder sa 11th BFA U12 Asian Baseball Championship.
Sa pagsiga sang sulo, mangin kabahin ang pila sa mga bantog nga atleta nga sanday Jemmuelle James Espiritu (Archery), Mark Anthony Domingo (Athletics), Jesson Cid (Decathlon), Roger Tapia (Para-athletics), kag Eric Ang (Trap Shooting).
